Brividi su Brazi. Zdenko diretore casinò Las Vegas De Buje

Brividi su brazi, go veramente brividi su brazi al solo pensier che un giorno el sior Carlo ga deciso de publicar mio libro. Cari amici de Zdenko e de suo Casinò Las Vegas de Buje, che belissimo momento, go i oceti lucidi come quando nonno Stane me tira alitade de zivola. No posso nasconder che go brividi su brazi come mai prima de oggi… Beh sì, forse solo quando go visto prima volta Svetlana, mia dolce Palacinka, tutta nuda davanti de mi. Eh sì, quela volta i me ga portado anche in ospedal, ma per el resto brividi su brazi xe uguale. Che bello saver che mia vita diventa libro che tutti pol comprar a bon prezo. Ve farò conoser mio belissimo Casinò itinerante che gira su e zo per Buje a sua discrezion, ve farò conosser mia bela famiglietta che sfrutto con tanto amore e generosità, e tanti personaggi belissimi che frequenta mio Casinò. Ve farò conoser i programi de spetacoli che ogni setimana cambia per offrir a clientela ludico-sporcellina tanto divertimento con i nostri meravigliosi sosia de sosia, con le nostre donette che salta su pal come simie, con le nostre prime visioni esclusive su megalenziol schermo e anche “I Misteri de Bujager”. Per vegnir in Casinò bisogna saver parola de ordine che ogni volta per sicurezza cambia, e guai dir sbagliado! Cari amici de Zdenko, son sicuro che questo libro troverà el suo posto nella vostra vita e son quasi sicuro che sto posto sarà in vostro bagno fronte tazza o sora lavatrice per accompagnar vostra preziosa intimità. A sto punto ve devo solo augurar bona lettura a tutti… tirè l’acqua me raccomando.